Aukande bestand: I visse kommunar, særleg på Vestlandet er hjortebestanden for høg. 72 kommunar i heile landet har fått løyve til kvotefri kalvejakt.
Foto: Robert Schlesinger / NTB / NPK
Hjortebestanden aukar: – Har gått frå rekord til rekord
Hjortebestanden aukar og trugar livsgrunnlaget til bønder på Vestlandet. Forskar meiner bestanden må kuttast i før han kjem ut av kontroll.
– I fjor blei det felt over 50.000 hjort i landet. Det har gått frå rekord til rekord, seier seniorforskar for naturforsking i NINA (Norsk institutt for naturforsking), Vebjørn Veiberg til NRK Møre og Romsdal. Han stadfestar at hjortebestanden i enkelte kommunar er altfor høg.
Når det blir så mange dyr, blir det ikkje nok mat til alle. Dette fører til at hjorten krympar i storleik og har større sjanse for å bli sjuk. I tillegg kan dyra òg koma i konflikt med landbruket og skogbruket.
– Det er viktig å ta ut dyra så ikkje bestanden aukar over støvelskafta.
