Anne-Marit Helgevold Heggebø, dagleg leiar i Helgevold Elektro og ein av eigarane av Helgevold Gruppen, saman med Bjørn Tollefsen som blir konsernleiar i Helgevold Industri Invest.
Foto: Helgevold Gruppen
Kommunedirektøren går til Helgevold
Som ein del av ein prosess for å styrke Helgevold Gruppen sin konkurransekraft i marknaden, går styreleiar Bjørn Tollefsen over i ei operativ rolle som konsernleiar i Helgevold Industri Invest – eigarselskapet til Helgevold Elektro. Han fortset i rolla som kommunedirektør i Etne kommune ut året.
Dette melder Helgevold Gruppen i ein pressemelding tysdag.
Lang karriere
Tollefsen har hatt ein lang karriere i industrien, blant anna som verftsdirektør og konserndirektør i Aibel. I perioden Tollefsen var leiar i Aibel blei det levert nokre av landets største industriprosjekt, slik som bygginga av plattformene Johan Sverdrup og Gudrun. Tollefsen kjenner Helgevold Gruppen godt allereie gjennom rolla som styreleiar, som han har hatt i nesten eitt år.
