Slektsskaféen startar opp igjen

Hausten er komen og Vindafjord bibliotek, i lag med Slekt og data Haugaland, startar opp igjen slektskafé éin laurdag i månaden. På slektskaféen kan alle som er interessert i slektsforsking koma innom for ein god samtale. Meininga er at ein skal kunna treffast for å utveksla erfaringar og for å få inspirasjon. Det vil vere frivillige frå Slekt og Data Haugaland til stades for å gje råd og rettleiing, opplyser biblioteksjef Silje Holden Birkeland og oppmodar folk om å ta med eigen pc. Denne hausten er det laurdagane 24. september, 29. oktober og 26. november som er sett av. — Velkomen til alle som likar å forske i slektshistorie, seier biblioteksjefen.