Kombinerer sjakk og lego
Laila Viestad driv firmaet Lailas Sjakkskole AS i Haugesund. Den femdoble NM-vinnaren frå aldersbestemte klassar, fekk ein idé på Etnemarknaden i sommar då ho såg utstillinga til lego-kjendis Grzegorz Gregor» Górczynski.
Haugesundskvinna Laila Viestad (37), opprinneleg fra Torvastad på Karmøy og med mormor og nær familie i Etne, konkurrerte aktivt i sjakk til ho vart 18 år. Ho representerte Noreg i ett europa- og seks verdsmeisterskap. Grzegorz Gregor» Gòrczynski vart landskjend på tv i 2021 i tevlinga Lego Masters på TV2.
Viestad har alltid vore knytt til Etne. Dermed har Etnemarknaden over mange år vore ein naturleg stad for henne. I år tok ho med sonen Benjamin (4). Marknadsutstillinga til Gregor fanga interessa til både mor og son.
— Helga etter skulle eg arrangera 11-års dagen til tantebarnet mitt heime i Haugesund. Eg hadde då utstillinga til Gregor ferskt i minnet. Spontan som eg er, leigde eg han rett og slett inn til fødselsdagen, seier ho.
