Solfrid Hetleflåt Bråthen
FOTO: FKH
Redda FKH på overtid
Solfrid Hetleflåt Bråthen (20) blei den store helten for FK Haugesund med si overtidsscoring i 2-1-sigeren over Avaldsnes 2 søndag. Thea Helen Eikehaugen Knutsen (26) frå Bjoa starta snuoperasjonen som gjorde at FKH unngjekk nedrykk i sin første sesong på kvinnesida.
— Det var veldig spesielt. Å sjå heile gjengen komme springande mot meg etter at eg hadde scora var ein veldig god følelse, seier Hetleflåt Bråthen til Haugesund Avis.
Første kamp på hovudstadion
Kampen var historisk som den første FKH sitt kvinnelag spelte på Haugesund Sparebank Arena. Framfor 930 tilskodarar sende Libe Haftorsen-Brakstad gjestane i føringa etter 64 minutt. Seks minutt seinare utlikna Eikehaugen Knutsen, som kom inn som innbytar for FKH. Dette var bjoabuen sitt åttande mål for sesongen.
