Stikkvegar langs E134

Den nye boka til kvinnheringen Geir K. Hus har fått namnet Spennande stikkvegar frå E134 Haukelivegen», og gjennom store bilete og små tekstar får lesarane sjå meir av naturen og kulturen langs tre av vegane sør-vest frå E134.

Fem år har gått sidan Hus gav ut boka E134 Haukelivegen som snart har seld 5.000 eksemplar. Felles for begge bøkene er at dei også handlar om mat, natur og kultur langs hovudvegen.

— Eg håpar boka inspirerer nye generasjonar i Sunnhordland, og på Haugalandet til å oppdaga meir av det som ligg litt utanom hovudvegen. Mellom anna var det ei stor oppleving for meg å køyra rundturen frå Røldal, Suldal, Jelsa, Sauda og tilbake til Røldal via den spektakulære og smale fjellovergangen som ligg 1.000 meter over havet. Eg hadde aldri køyrt denne ruta før, og det var ein fantastisk tur, seier Hus.