Vintage Power UB stakk av med fleire av prisane under Gründerane i Vintage power Milla Tvedt- Steinstø (f.v.), Benedicte Ribesen Heskja, Mia Berge Ljosnes og Siri Steinsland frå rett før dei oppnå vintagebutikken sin på Ølen senter.
Arkivfoto: Irene Mæland Haraldsen
Butikk for ei god sak
Dei er svært interessert i klede og opptatt av å hjelpa andre. Nå har 14 år gamle Mia Berge Ljosnes saman med tre andre elevar ved Ølen skule opna eigen vintagebutikk der inntekta går til kreftforeininga.
I eitt av dei ledige lokala på Ølen Senter er fire unge jenter i full sving med å rigga til den nye bruktbutikken som offisielt skal opna dørene siste dagen i november. Stativ fullpakka med klede til store og små har fått plass i lokalet, og i butikkvindauget står utstillingsdokker kledd i fargerike kreasjonar. Alt fint brukt og med nokre flunkande nye plagg innimellom.
— Me sel klede som me har fått frå slekt og vener. Me har informert på skulesida om folk vil donera klede, seier Mia Berge Ljosnes.
Genserar, kjolar, bukser og klede til bruk både sommar og vinter fyller det meste av klestativa. Hovudtyngda er klesplagg til damer og ungdom. Klede til menn er ennå mangelvare, men dei unge butikkeigarane har ikkje gitt opp håpet om å få inn herreklede.
