Hagen er mitt treningsstudio, min terapeut og mitt kunstnarlerret, seier Solfrid Wannberg
Foto: Privat
Hagestell som hobby og hjartesak
Solfrid Wannberg (60) frå Sagi i Skjold, men busett i Suldal, har hagearbeid som si altoppslukande interesse. I ei bok som nyleg er komen ut, viser ho fram alt som veks i sin eigen hage, og det er ikkje lite.
Boka Suldalshagen» er full av intensitet, full av lidenskap, og, ikkje minst, full av fargar. Med stor energi deler forfattar Wannberg sine erfaringar i samband med arbeid i hagen, og hagegledene blir formidla i ein høgst personleg stil og språkdrakt.
Dette personlege preget, som kjenneteiknar heile boka, medverkar til at forfattarstemma blir tydeleg og nærverande, og ganske nær og orientert mot det spesifikt private i enkelte avsnitt. På mange måtar kan utgjevinga Suldalshagen» kallast utradisjonell, samanlikna med andre hagebøker.
Bestemor Wannberg
