Ole Johan Vierdal.
ARKIVFOTO: JON EDVARDSEN
Sa nei til fleire utbytte i Haugaland Kraft
Haugaland Kraft betalte utbytte to gonger i 2022. Største eigar Karmøy kommune ville på tampen av året ha det tredje, og ordførar Ole Johan Vierdal i Vindafjord var blant dei som hindra at forslaget fekk fleirtal den ekstraordinære generalforsamlinga.
I slutten av november bestemte kommunestyret i Karmøy kommune seg for å be ordførar Jarle Nilsen om å ta initiativ til ei ekstraordinær generalforsamling. Her var forslaget om det var rom for å betala ut ytterlegare 110 millionar i utbytte til eigarane i Haugaland Kraft. Det ville blitt det tredje utbyttet fra selskapet i 2022.
— Det var ei generalforsamling like oppunder jul på bakgrunn av initiativet frå Karmøy kommune, men fleirtalet av eigarane meinte det ville svekka handlefridomen til Haugaland Kraft, fortel Vindafjord-ordførar Ole Johan Vierdal (Sp).
Eit tilleggsutbytte på 150 millionar var beslutta berre ein månads tid tidlegare. Halvparten av dette blei betalt ut før jul, den andre halvparten no i januar.
