Salet av fjellhytter går tregt i heile landet no, og spesielt dei store hyttene er det liten interesse for.
Foto: Eli Strand/ NPK
Slik blir hyttene i framtida
Trenden dei siste åra har gått mot stadig større hytter og den norske gjennomsnittshytta ligg no på cirka 100 m². Men no må trenden snu om vi skal bevare naturen og nå klimamåla.
Ekspertar er ikkje i tvil: Hyttene i framtida er små – og vi må også lære oss å dele på goda.
Ein ny FN-avtale for å redde og bevare naturen vart nyleg inngått og målet er blant anna å verne 30 prosent av all natur på land innan 2030.
– Denne historiske avtalen tvingar oss til å tenkje heilt nytt når det gjeld hyttebygginga i framtida, seier seniorforskar ved Vestlandsforsking, Hans Jakob Walnum til Nynorsk pressekontor.
