Guri Ravatn (SV) satsar på at kampen for skulebøker skal vere med å gi framgang i valet i haust.
Arkivfoto: Svein-Erik Larsen
Går vidare med Dommersnes-planar
Kommunestyret i Vindafjord gav tysdag kommunedirektør Yngve Folven Bergesen fullmakt til å forhandle fram ein avtale med Westcon om å opprette eit felles selskap for utvikling av industriområdet på Dommersnes. Eit samla formannskap fekk inn eit ekstra punkt om kommunen sitt ansvar for dei som blir råka av bygginga.
Selskapet kan opprettast med ein aksjekapital på seks millionar kroner, der kommunen går inn med maksimalt 50 prosent. Kommunen sin del av aksjekapitalen blir dekka gjennom bruk av ubunde disposisjonsfond.
Formannskapet sitt punkt slår fast at kommunen er ansvarleg for å opprette dialog med noverande næringsverksemder på industriområdet, og at kommunen skal hjelpe verksemder som treng nytt næringsareal. I tillegg fekk Guri Ravatn (SV) inn ein ekstra delsetning om at kommunen skal vektlegge informasjon og dialog med hytteeigarar, naboar og andre råka, under kommunestyremøtet.
