Ungdomspolitikarane saman med det lokale vertskapet. Tora Kildehaug (f.v. Bergen), Elias Eide (Sunnfjord), Ida Lutro (Ullensvang), Vegard Enerstvedt (Bømlo), Arild Stenberg og Lars Olav Bergsvåg, begge frå Etne Høgre.
FOTO: NILS TOKHEIMFOTO: Nils Tokheim
Satsar på fylkespolitikken
Etne Høgre hadde nyleg besøk av fire unge politikarar frå ulike kommunar i Vestland som har eit ambisiøst reiseopplegg med å besøka alle fylkets 43 kommunar. Eit like ambisiøst ynskje har dei om å koma inn på fylkestinget ved valet til hausten.
For dei fleste går vegen til fylkestinget gjennom kommunestyret, men desse fire er medvitne om at svært mykje av det som angår unge folk vert påverka av fylkespolitikken.
Det var Lars Olav Bergsvåg og Arild Stenberg som var vertskap. Bømlo og Sveio var gjort unna fredag kveld, og før dei skulle vidare til Ullensvang var dei innom Skakkesenteret, Medvind24 Næringshage og Drivhuset i Etne.
Etne var den 16. kommunen dei besøker. Sidan dei alle er studentar i Bergen og Trondheim, må helgane nyttast.
