Nyfiken hjort utanfor jakttida.
Arkivfoto: Arne Frøkedal
Vil ha fleire hjortejegerar
Tore Skogen leiar jaktutvalet i Vindafjord Jakt og Fiskelag som årleg utdannar rundt femti nye jegerar i Vindafjord og Etne. Det er likevel behov for fleire, for å halda tritt med veksten i hjortestamma.
Seniorrådgjevar Gitte P. Halvorsen i Vindafjord kommune informerer at det blei skrive ut 1.200 fellingsløyve for hjort i 2022. Alt er ikkje innrapportert endå, men det ser ut til at det er blitt skote rundt 1.140 hjort og 130 rådyr.
For Etne rapporterer den nasjonale hjorteviltdatabasen at det er tildelt 735 hjortefellingar, og 210 rådyr. Tala for felte dyr er høvesvis 485 og 40, men rådgjevar Annbjørg Bue i Etne kommune seier at det talet har ei feilkjelde fordi nokre vall er seine med rapporteringa.
Tal for tildelte løyve har auka jamnt dei siste fem åra. I Vindafjord blei det til dømes gitt 883 hjorteløyve i 2018, medan det i 2022 altså var 1.200.
