Frivillige og grunneigarar i gang med å leggje ut gytegrus i Åsmelva i fjor. Nå kjem resultatet i form av gode fangsttal.
Foto: Privat
Betring i laksefisket
Laksefisket er noko betre i 2022 etter botnrekord året før. Lokalt er det ikkje berre dei to største lakseelvane som byr på fine fangstar.
Den nasjonale statistikken presentert av SSB viser at det i fjoråret blei fanga 380 tonn laks, sjøaure og sjørøye i dei norske elvane. Dette er 24 prosent meir enn i 2021 som var eit år med historisk låge fangstar. Resultatet er likevel eit godt stykke unna gjennomsnittet dei ti siste åra på 411 tonn.
Direktør Ellen Hambro i Miljødirektoratet er glad for at det tok seg opp i fjor etter den miserable fangsten året før.
— Samtidig som det er positivt at laksefisket gjekk opp i fjor, ser me at innstramningane i fisket som me innførte frå 2021, er nødvendige. Me har over tid vore bekymra for at færre laks enn tidlegare overlever opphaldet i havet og kjem tilbake til elva. Dette bekymrer oss framleis, sier Ellen Hambro, i ei pressemelding.
