Ny opplæringslov styrkar nynorsken

I tillegg til å få ein lovfesta rett på å få bruka – og få opplæring i sitt eige skriftsspråk, trass i at det ikkje er det same som kommunen brukar, blir det også eit absolutt krav at skulen skal nytta skriveprogram som støttar både nynorsk og bokmål i skulen.

I dag er elevane i grunnskulen berre sikra retten til opplæring på eige språk dei første sju åra av skulegangen. Retten trer inn så lenge det er minst ti elevar som krev opplæring i ei målform, og gjeld så lengje det er seks elevar igjen i denne gruppa. I språkblanda område er det ofte nynorskelevane som kjem i mindretal. No føreslår regjeringa å utvide denne retten til og å gjelda i 8. til 10. klasse.

− Nynorsken er viktig, og for mange av oss er den det skriftspråket som ligg oss nærast. Difor er dei styrka rettane ei nasjonal sak som er viktig her lokalt, seier stortingsrepresentant for Rogaland, Lisa Marie Ness Klungland (Sp).