Suksess med solceller

— Me vurderer solceller på anlegga i Sveio og Ølensvåg. Erfaringane frå Gismarvik har gitt oss eit godt avgjerslegrunnlag, seier dagleg leiar, Lars Arvid Norekvål, til bedrifta sine nettsider.

Langt framfor skjema

Selskapet omtalar at dei har spart både miljø- og straumutgifter gjennom solcellene på Gismarvik. Ideen om å få på plass straumforsyning frå solcellepanel blei lansert tidleg i planleggingsfasen av nybygget. Solcellepanela bruker ledig takareal og forsyner det energieffektive bygget med straum. Straumprisane frå 2019 og 2020 låg til grunn for investeringa på 1,1 millionar.