Avtroppande og påtroppande redaktør i Grannar. Arne Frøkedal overlet stafettpinnen til Torstein Nymoen 1. mars, og blir med som journalist fram til påske.
Foto: Grethe Hopland Ravn
Vil halda på Grannar sin sterke posisjon
Torstein Tysvær Nymoen (49) er på plass som ny ansvarleg redaktør i Grannar og har tatt over stafettpinnen etter Arne Frøkedal (67). Både avtroppande- og påtroppande redaktør trur dei tenkjer likt når det kjem til den fundamentale journalistikken.
Etter 44 år i bransjen, og nesten 15 år som ansvarleg redaktør takkar Arne Frøkedal for seg til påske. Frå 1. mars har han levert ansvarleg redaktør-tittelen over til Torstein Tysvær Nymoen, men han blir med som journalist i redaksjonen til han takkar for seg. Frøkedal er med det redaktøren som har sete lengst i sjefsstolen, men det ser han ikkje berre på som positivt.
— Eg synest det er veldig flott at Grannar har fått ny redaktør og nye impulsar. Eg har tenkt at redaktørstillinga burde vore på åremål, for det er lett å gli inn i faste rutinar. Både Torstein og eg tenkjer likt når det kjem til det fundamentale i journalistikken; vera på nyheitsjakt, vera tett på og få det ut på nett, seier Frøkedal.
Eit førebilete
