Det er greitt å vurdere om ein skal ha med satellittelefon før ein legg ut på påsketur.
Foto: Heiko Junge / NTB / NPK
Dekning er avgjerande ved ulykker på påskefjellet
Mange nordmenn trur at ein kan nå naudetatane uavhengig om ein har dekningssignal eller ikkje. Det stemmer ikkje.
– Akkurat no i påsketider, når vi ferdast i fjellet og der vi vanlegvis ikkje er så mykje, kan vi risikere å vere i område der det ikkje er dekning.
Det seier Inger Vollstad, seksjonssjef i Nasjonal kommunikasjonsmyndigheit (Nkom).
Om ein vil ha tak i naudetatar på påskefjellet og bruker mobiltelefon, er ein avhengig av dekning frå eitt av mobilnetta i Noreg. Per no er det tre mobilnett: Telenor, Telia og Ice. Og det er fleire selskap som bruker dei same netta.
