Prosjektleiar i Telenor Pål Lukashaugen (f.v) møtte ordførar Ole Johan Vierdal (Sp) og prosjektleiar i kommunen Magne Rasmussen, for å markera gjennomført prosjekt.
Foto: Ragnhild Kristine LøkkenFOTO: Ragnhild Kristine Løkken
Mobildekning i heile Vindafjord
I 2019 gjekk Vindafjord kommune og Telenor Norge AS saman om å betra mobildekninga i kommunen. Prosjektet gjekk ut på å erstatta koparnettet med mobildekning, i sju sårbare område rundt om i kommunen. Nå er det gjennomført.
For nokre veker sidan blei den siste mobilmasta sett i drift, i Hogganvik, og nyleg møtte ordførar Ole Johan Vierdal (Sp) og Magne Rasmussen, prosjektleiar for vatn og avløp i Vindafjord, Telenor for å markera slutten på prosjektet, og det oppnådde målet om å betra mobildekninga i Vindafjord kommune.
— Det er ei glede å kome hit i dag. Samarbeidet med Vindafjord kommune har vore veldig konstruktivt og løysingsorientert gjennom heile prosessen. Mot slutten tok det litt lenger tid enn anslått, men nå er me heilt i mål, seier prosjektleiar i Telenor, Pål Lukashaugen.
Bakgrunn for prosjektet
