SKL får kraftig refs frå NVE for å ha bygd delar av Løkjelsvatn kraftstasjon før NVE hadde godkjent dei tekniske planane. Bildet er frå anleggsarbeid ved Løkjelsvatn i fjor haust.
ARKIVFOTO: ARNE FRØKEDAL
SKL bygde utan godkjenning
Sunnhordland Kraftlag (SKL) har bygd åtkomstunnelen til det nye Løkjelsvatn kraftverk i Etne utan at dei tekniske planane har vore godkjent av myndigheitene. — Svært alvorleg, seier direktør Kristian Markegård i Noregs vassdrags- og energidirektorat (NVE).
Å byggje et vasskraftverk med tilhøyrande dammar og store vassinntak fører ikkje berre omfattande naturinngrep med seg, og men også ulykkesrisiko som kan ha konsekvensar for lokalsamfunn om uhellet er ute. Difor må aktørane halde seg til eit strengt regelverk. Eit av krava er at alle tekniske planar skal vere godkjende av NVE før kraftverka bli bygd.
— Svært alvorleg
No visar det seg at SKL har bygget sitt åtkomstunnelen for vatnet som skal førast frå Løkjelsvatn til sjølve kraftstasjonen i feltet utan at dei tekniske planane er godkjende. Det kjem fram i eit varsel om lovbrotsgebyr som NVE har sendt til SKL.
