Om du synest du har sett Torgeir Vea før, kan det godt stemme. Under pandemien var han vikarprest for Skjold, Vats og Vikebygd i tre månadar, og dette gav han ei god erfaring og lyst til å bli her permanent. Så når han er ferdig som sjømannsprest på Tenerife i slutten av november, blir han altså ny sokneprest i Vindafjord.
— Eg ser fram til å ha ei prestestilling i Noreg, og mi gode oppleving frå vikariatet mitt i Vindafjord gjer at eg ser fram til å vera prest her, seier Vea.
