— Det er ikkje slik at me ønskjer desse kutta. Me svarar på bestillinga me har fåttKommunalsjef for oppvekst i Vindafjord kommune, Nils Erik Eide.
Arkivfoto: Jon Edvardsen
Sjå dei nye kutt-forslaga
Sterke reaksjonar på nye kutt-forslag i Vindafjord
Kutt i barnehage, skulefritidsordning (SFO), symjeopplæring og sentralisering av alle barn med funksjonsnedsetting i Vindafjord til Skjold skule, er nokre av innsparingstiltaka kommuneadministrasjonen ber politikarane sjå på.
Dei skisserte tiltaka blir fremja av kommunedirektøren i Vindafjord i innkallinga til møte i utval for oppvekst og omsorg (OPOM) komande måndag. Der vil dei bli behandla som ei orienteringssak før eventuelle vedtak i budsjettet seinare i år.
Vanskeleg oppgåve
Bakgrunnen for saka er eit vedtak i budsjettet for 2023. Som følgje av at fleirtalet sa nei til kommunedirektør Yngve Folven Bergesen sitt forlag om å kutte tre årsverk for hjelpepersonell frå skuleåret som akkurat starta, noko som skulle spare kommunen for kostnadar på 800.000 kroner i 2023 og 1,6 millionar frå 2024.
