Donmersnes industriområde.
Arkivfoto: Økland Foto
Stor motstand mot Dommersnes-planar
Fredag oppretta Hans Olaf Aakre Myrvang ein digital underskriftskampanje mot planane om å bygge ut industriområdet på Dommersnes for å leggje til rette for produksjon av vindmøller til havvindprosjekt. Måndag har over 200 signert oppropet.
— Det er ein god start, men eg er sikker på at det talet er betydeleg høgare om nokre veker, seier Aakre Myrvang.
Etter å ha kjøpt eit hus i Vikebygd i 2020 har han vore i bygda i helger og feriar. Tidlegare i år blei han og sambuaren fastbuande i bygda.
— Draumen er å bli gammal i Vikebygd. Dersom ikkje gigantprosjektet stoppast, må eg finne meg ei anna bygd å bli gammal i. Håpet er at det ikkje skal vere nødvendig, fortel Aakre Myrvang.
