Første dag for ny kulturskuleleiar

— Det kjennest fin og spennande å vere på plass, seier Halvor Hem.

Han har budd i Haugesund sidan 2000, og jobba i kulturskulen i Haugesund, Karmøy og Tysvær. I same periode har han også vore pianolærar. Dei siste ti åra har han vore inspektør i Haugesund kulturskule. Han blei presentert til politikarar under møtet i utval for oppvekst og omsorg på rådhuset i Ølen måndag.

— I starten skal eg gjere meg kjent med kommunen og kulturskulen. Så skal eg sjå på kva som er moglegheitene rundt om i bygdene, før eg tek det derifrå, fortel Hem.