Tiril Fjeld er dagleg leiar i Haugaland Næringspark.
FOTO: TORSTEIN TYSVÆR NYMOEN
Statnett-konsesjonen
— Gledeleg for heile Haugalandet
– Dette vil både tryggje og skape mange spennande arbeidsplassar på Haugalandet, seier dagleg leiar i Haugalands Næringspark Tiril Fjeld etter at Statnett har fått konesjon til å byggje Blåfalli-Gismarvik.
Med sine 5.000 dekar er Haugaland Næringspark Noregs største ferdigregulerte industriområde. Haugaland Næringspark er eit regionalt prosjekt med fem kommunale eigarar som har tenkt langsiktig og strategisk på kvar den framtidige kraft- og arealkrevjande industrien bør plasserast.
– Dette er ein gledeleg dag for Haugalandet. Vi har mista nokre store moglegheiter for industrietableringar i ventetida, men med dette på plass er vi no blant dei aller mest attraktive stadene for etablering av ny industri i Europa. Det er uforutsigbarheit rundt tilstrekkeleg krafttilgang over tid som har halde oss tilbake, men no kan vi endeleg krysse av også denne boksen, seier dagleg leiar i næringsparken, Tiril Fjeld i ei pressemelding.
Nye arbeidsplassar
