Vindafjord-ordførar Ole Johan Vierdal.
ARKIVFOTO: SVEIN-ERIK LARSEN
— Ingen intensjonar om å legge ned i Ølen
Under debatten i Ølen i forkant av valet var ølensbuane i salen svært tydelege på at det er viktig for dei at bassenget i bygda ikkje blir lagt ned om det blir bygd ein ny symjehall i Vats. Etter at vedtaket om å bygge blei gjort tysdag er ordførar Ole Johan Vierdal (Sp) klar på at det ikkje er nokon planar om dette.
— Me har ingen intensjonar om å legge ned bassenget i Ølen, seier Ole Johan Vierdal (Sp) etter kommunestyremøtet.
Han understrekar at fokuset i saka om symjehall og bygdahus i Vats har vore å få opp igjen det som har brent ned. Sjølv om ordføraren er tydeleg på at nedlegging av bassenget ikkje er på agendaen nå, kan han heller ikkje love at spørsmålet ikkje kjem opp dei neste fire åra.
— Me veit ikkje kva morgondagen bringer, seier ordføraren.
