Krysset på høgre siden av vegen vil ifølgje Vegvesenet sin plan bli stengt når dei i praksis byggher ny veg forbi staden i samband med Gul stripe»-prosjektet sitt.
FOTO: GOOGLE STREET VIEW
Kryss-krøll på Fikse
Vegvesenet krev at ei avkøyring til eit mogeleg nytt privat industriområde på Fikse i Etne kommune må ligge i Vindafjord kommune. Etaten stiller seg også kritisk til fleire andre punkt i forslaget til arealdelen til ny kommuneplan.
Eit privat initiativ ønskjer å etablere eit industriområde på vestsida av E134 på Fikse. I arealdelen for den nye kommuneplanen er eit kryss til området teikna inn rett nord for kommunegrense til Vindafjord.
Men eit slikt forslag meiner Statens Vegvesen må skrinleggjast med ein gong, og gjer det klart at ei avkøyring må komme sør for kommunegrensa til Vindafjord. Dette sett i lys av det komande gul stripe»-prosjektet som skal trygge trafikken i området på den ulykkesbelasta vegstrekninga.
Ei eksisterande avkøyring til det omtala området blir etter planen stengt.
