Tar sjøvkritikk for Dommersnes-vedtak
Guri Ravatn (SV) tek sjølvkritikk for å ha stemt for å opprette selskapet Windafjord Port. Nå krev SV full konsekvensutgreiing før ein eventuell iverksetting av fase 2 av planane til kommunen og Westcon på Dommersnes industriområde i Vikebygd.
— Etter det me har sett i selskapsavtalen og frå folk viser det seg at dette kan ha konsekvensar me ikkje viste om, seier Guri Ravatn (SV).
Windafjord Port er eit selskap som blei oppretta tidlegare i år for å utvikle det cirka 500 mål store området som er regulert til industri til produksjon og samanstilling av havvindmøller. Vindafjord kommune og Westcon eig 50 prosent kvar.
Som Haugesund Avis har omtala sendte selskapet nyleg byggesøknad for fase 1 som medfører at 54 dekar av det eksisterande industriområdet blir planert ned til kaien sitt høgdenivå. På onsdag opplyste einingsleiar Thomas Vestbø for areal og forvaltning at kommunen hadde som mål å få sendt søknaden på regional høyring i løpet av denne veka. Ravatn vil ikkje jobbe mot dette.
