I desse dagar får den fylkeskommunale Stødlevegen i Etne ny asfalt. Det meiner nok mange er på sin plass. Ifølgje Vegvesenet må me tilbake til 1972 for å finne tidspunktet då den sist gong blei asfaltert.
Ikkje i arkivet
Med andre ord: Viss du bor langs vegen og fyller 50 år i år, så har du aldri opplevd noko slikt før. Og det finst heller ikkje bilde i Grannar-arkivet av den hendinga. Den første utgåva av Grannar kom i 1973.
