Frå arbeidet under Aker Solutions sitt prosjekt Hywind Tampen på Dommersnes i Vikebygd.
ARKIVFOTO: Johnny Engelsvoll/Equinor
Tettare på
Kampen om bygda si sjel
Kva skal Vikebygd vere? Ei stille bygd kor fastbuande og hyttefolk finn ro i lite rørte omgivnadar, eller ein bit av eit nytt norsk industrieventyr? Dette engasjerer alt i frå innbyggjarar til kommuneleiinga og Olje- og energidepartementet.
Kjernen til spørsmålet er Vindafjord kommune og Westcon sine planar om å utvikle heile det over 500 mål store industriområdet på Dommersnes. I eit formannskapsmøte 25. september 2022 lanserte kommunedirektør Yngve Folven Bergesen for første gong planane om utvikling med tanke på serieproduksjon til havvindnæringa.
Etter ein lengre politisk prosess blei det felles selskapet Dommersnes AS/Windafjord Port stifta 5. mai 2023. Nå håpar tilhengarar i bygda, kommuneleiinga og selskapet sin daglege leiar Jørgen Jorde at det kan skapast noko som blir eit løft for bygda.
— Å få ein kontinuerleg heilårsdrift vil vere positivt for Vikebygd med tanke på arbeidsplassar. Det kan bli arbeidsplassar både i Windafjord Port og samarbeidspartnarar som er leverandørar til havvindindustrien, seier Jorde.
