Positive til avgiftskutt

— Dette er veldig hyggeleg, men sett i lys av dei verkeleg store utfordringane verda har med klimaendringane var skatten eit feilgrep, meiner dagleg leiar Egil Kambo i Kambo Energi.

I statsbudsjettet for 2023 blei det innført eit høgprisbidrag på vasskraft og vindkraft.

— Høgprisbidraget er eit godt eksempel på at det norske samfunnet er eit spleiselag. I ei uroleg tid med svært høge straumprisar, fekk kraftprodusentar ekstraordinært høge overskot. Høgprisbidraget, som blei ilagt dei ekstraordinære inntektene til kraftprodusentane, bidrog blant anna til å finansiere straumstøtta. Situasjonen me stod overfor i fjor er endra. Det forventast at straumprisane vil vere lågare framover. Derfor foreslår regjeringa nå å avvikle høgprisbidraget allereie frå 1. oktober i år, seier statsminister Jonas Gahr Støre (Ap) til regjeringa si nettside.