Arild Stenberg (H)(t.v.). Øyvind Kaldheim (KrF), Andreas Grumheden (Ap) og Mette Heidi Bergsvåg Ekrheim er fire av dei fem politikarane i Etne om har motteke sjikanerande anonnyme brev etter valet. Femtemann er Sjur Aakra (Sp). Dette er sjølvsagt ugreitt, men hovudbekymringa for politikarane er at rekruttering til verv skal bli enda vanskelegeare på grunn av slik oppførsel frå folk.
FOTO: Grethe Hopland Ravn
Reagerer på sjikane i anonyme brev
Rett etter valet fekk Arild Stenberg (H), Øyvind Kaldheim (KrF), Andreas Grumheden (Ap), Mette Heidi Bergsvåg Ekrheim (Sp) og Sjur Aakra (Sp) tilsendt sjikanerande brev frå ein misfornøgd veljar. — Kontakt oss heller direkte, er meldinga frå dei folkevalde.
Då koalisjonane i Etne-politikken var eit faktum var det mange som reagerte på at Frp ikkje ein gong var invitert inn i forhandlingane. Det var tydeleg i kommentarfelta i sosiale media, som beint fram kokte» ei stund.
Det er likevel ikkje det dei fem politikarane i Etne reagerer på, for folk har lov til å meine kva dei vil. Det er nok ikkje alle kommentarar som er like saklege, men ordførar Mette Heidi Bergsvåg Ekrheim seier at dei kan i det minste sjå kven som er avsendarane når kommentarane blir publisert på sosiale media.
Det er ikkje like lett når det kjem til anonyme og sjikanerande brev i postkassen. Det var nemleg det Arild Stenberg (H), Øyvind Kaldheim (KrF), Andreas Grumheden (Ap), Mette Heidi Bergsvåg Ekrheim (Sp) og Sjur Aakra (Sp) fekk, nokre dagar etter valet.
