Vikarbruk sprenger budsjettet

Kommunedirektør Filippo Ballarin starta det aller første formannskapsmøtet i denne nye perioden med å informera Etne-politikarane om korleis det står til med økonomien. Med seg til møtet hadde han økonomisjef Cathrine Berge, og kort oppsummert er det vikarbruk som er litt av årsaka til at botnlinja på driftsresultatet landar på minus 1,8 millionar kroner.

— Me har hatt utfordringar med utgifter til vikarar og vikarbyrå i 2023, men om me ser bort frå akkurat denne posten i rekneskapen, ser me at alt stemmer med det som er budsjettert. Det betyr at me byrjar å sjå resultata på det arbeidet me har lagt ned i kommuneøkonomien dei siste åra, sa Ballarin til formannskapet tysdag denne veka.

Høgt lønnsoppgjer