Hastverk for industriplanane på Dommersnes

Det kom fram då dagleg leiar i Windafjord Port, Jørgen Jorde, og Anne Sofie Sandvik frå Norconsult stilte i Vindafjord formannskap tysdag, for å greie for korleis dei vil angripe arbeidet med ny reguleringsplan for området.

Idylliske Vikebygd kan som kjent stå framfor det største industriprosjektet både bygda og kommunen elles har sett sidan Ekofisk-veggen blei bygd same stad. Scenarioet ein ser føre seg er at vindkraft-element blir produsert i lågkostland, før dei blir skipa til Vikebygd for samanstilling der. Etterpå skal desse tauast ut til havvindparkar i Nordsjøen, og kanskje også i Storbritannia og Irland.

Kontraktar i 2025