Slik ser ein føre seg bruken av 500 mål med inudstriareal i Vikebygd.. Det lille feltet utjger 300 mål aust for dagens fylkesveg.ILLUSTRASJON: NORCONSULT/WINDAFJORD PORT
Hastverk for industriplanane på Dommersnes
Aktørane som vil utvikle eit industriområde mynta på samanstilling av havvind-turbinar på Dommersnes har det travelt. Nokre av dei potensielle kundane har ytra ønskje om vere på plass allereie i 2027.
Det kom fram då dagleg leiar i Windafjord Port, Jørgen Jorde, og Anne Sofie Sandvik frå Norconsult stilte i Vindafjord formannskap tysdag, for å greie for korleis dei vil angripe arbeidet med ny reguleringsplan for området.
Idylliske Vikebygd kan som kjent stå framfor det største industriprosjektet både bygda og kommunen elles har sett sidan Ekofisk-veggen blei bygd same stad. Scenarioet ein ser føre seg er at vindkraft-element blir produsert i lågkostland, før dei blir skipa til Vikebygd for samanstilling der. Etterpå skal desse tauast ut til havvindparkar i Nordsjøen, og kanskje også i Storbritannia og Irland.
Kontraktar i 2025
