Haugaland brann og redning ser ut til å miste nok ein kommune i brannsamarbeidet.ARKIVFOTO
Sveio gjer truleg som Etne – går ut av brannsamarbeid
Frå før har Etne kommune trekt seg ut. No ser det ut til at også Sveio kommune går ut av Haugaland brann og redning IKS, melder Haugesunds Avis.
Då saka vart handsama i formannskapet i Sveio 23. oktober føreslo rådmannen å melde Sveio ut av HBR så snart forholda ligg til rette for det. Rådmannen vil i staden inngå ein avtale om brannsamarbeid med Haugesund kommune.
Eit einstemmig formannskap vedtok saka. Måndag kveld skal saka handsamast i kommunestyret.
– Eg ser ikkje signal om noko anna enn at me får same vedtaket i kommunestyret, men det veit me aldri før det er klubba gjennom, seier ordførar André Mundal Haukås (H) i Sveio kommune til Haugesunds Avis.
