Butikksjef Gerd Irene Kvamen Clausen ved Vinmonopolet sine utsal i Etne og Ølen går truleg travle dagar i møte.
Arkivfoto: Irene Mæland Haraldsen
Vin med mindre alkohol er i vinden
Kundar som tok turen innom Vinmonopolet sine utsal i Etne og Ølen i fjor putta oftare alkoholfritt, sider og lette vinsortar med lågare alkoholinnhald i handlekorga enn tidlegare.
— Dei siste åra har salet av alkoholfritt og sider gått opp. Det gjekk mykje sider til jul, og alkoholfritt var utselt fleire stader over heile landet til jul, fortel butikksjef Gerd Irene Kvamen Clausen.
Ho merkar trenden godt både i Etne og Ølen, og i tillegg til det alkoholfrie alternativet og den populære fruktvinen vel kundane stadig oftare lette vinar med mindre alkohol, økologiske vinsorter og naturvinar.
Men sjølv om dei mindre alkoholhaldige vinslaga er i vinden toppar raudvinen framleis salsstatistikken på landsbasis, og ved utsala i Etne og Vindafjord.
