Anette Lauareid Hovda blir ein del av Gleding.
Foto: Istoria
Blir del av glede-nettverk
Dagleg leiar Anette Lauareid Hovda i Electio og Haugaland opplæringskontor har blitt ambassadør for den ideelle verksemda Gleding.
Dette opplyser Gleding i ei pressemelding. Anette Lauareid Hovda er blant 25 nye ambassadørar og føredragshaldarar i Gleding-teamet, som nå strekk seg frå Senja til Stavanger og Florø til Hamar.
Lauareid Hovda er utdanna førskulelærar, relasjonspedagog, EQ terapeut og familieterapeut, og held i dag på med ein master i familieterapi og relasjonell leiing.
— Den teoretiske kunnskapen saman med nær 30 års erfaring frå barnehage og som mor til tre gutar, vil vere fundamentet for erfaringsdeling ut til forhåpentlegvis mange skuler, barnehagar, idrettslag med meir, skriv Gleding.
