Kven som blir ny leiar for IKT-organisasjonen i Etne og Vindafjord er framleis i det blå, etter at Tord Askvig slutta i stillinga etter 18 år. Stillinga har vore utlyst fleire gonger og ein person har også fått tilbod om jobben.
Denne personen trekte seg derimot like etter at tilbodet var lagt på bordet. Kommunedirektør i Etne kommune, Filippo Ballarin har uttalt til Haugesunds Avis at det har vore utruleg vanskeleg å få på plass ein ny IKT-sjef, og absolutt alle alternativ må vurderast for å få på plass ein ny leiar, som til dømes løn.
