Vil etablera lokallag for Pensjonistforbundet
Herdis Gunn Rødne er leiar av Pensjonistforbund i Rogaland, og har på oppmoding frå medlemmer tatt inititativ til å etablera lokallag i Ølen. Ho var spent før det første møtet sist veke, og storfornøgd då rundt 50 personar dukka opp.
Opphavleg er Herdis Gunn Rødne ølsbu og vaks opp i nabolaget til Ølen kyrkje, der ho også har feriehus i dag. At ho har vore ølsbu er det derimot ikkje noko ved dialekten som røper, ofr etter meir enn 40 år som haugesundar, snakkar ho deretter. Likevel har Ølen stor plass hos henne, og som leiar for Pensjonistforbund i Rogaland har ho no ønske om å etablera eit lokallag i Ølen.
— Pensjonistforbundet er den største interesseorganisasjonen for pensjonistar og uføre, og jobbar for vilkåra til denne gruppa. Me har over 250.000 medlemmer og det viktigaste me gjer er å jobba for at våre medlemmer skal få ein pensjon dei både kan leva med og leva av, seier Rødne.
Positive til lokallag
