Blir leiar på ny skule og barnehage

— Det blir spesielt å forlate Imsland. Eg har vore der i over 20 år og kjenner folk og ungar i bygda godt. Det blir vemodig å slutte, men samtidig blir det kjekt med nye utfordringar, seier Hilde Bjelland Abelseth.

Omorganisering

Bjelland Abelseth er i ferd med å fullføre sitt andre år som einingsleiar ved oppvekstsenteret i Imsland. Før det var ho lærar. Bjelland Abelseth omtalar skulane i Vikebygd og Imsland som relativt like, men at barnehagen i Vikebygd er ein del større enn den i Imlsland. Ho synest det blir spennande å få ansvar for ein større barnehage og ser fram til å bli kjent med ei ny bygd og tilsette og barn på oppvekstsenteret.