Leiar Tor Jacob Solberg i Norsk Bonde og Småbrukarlag under landbrukskonferansen i Etne i januar 2024.
Arkivfoto: Svein-Erik Larsen
Bøndene krev milliardløft
Bøndene krev til saman 3,9 milliardar kroner i jordbruksoppgjeret i år. Kravet gir 82.900 kroner per årsverk.
Kravet vart overlevert forhandlingsleiaren i staten, ekspedisjonssjef Viil Søyland i Landbruks- og matdepartementet fredag.
Av inntektsveksten per årsverk vil 57.300 kroner vere det bøndene vil oppleve av tetting av inntektsgap mot andre grupper i samfunnet.
Ramma på 3,930 milliardar kroner fordeler seg på 2,738 milliardar kroner i budsjettoverføringar og 998 millionar kroner i målprisaukar – altså auka prisar som folk må betale i for varene i butikken.
