— Ein merkedag for Eikemo
No har Eikemo fått full mobildekning for første gong. Det skjer i samband med ei etterlengta småkraft-utbygging som gir fleire vinstar for den veglause grenda.
Å få kontakt med omverda etter at fasttelefonen forsvann frå Eikemo har ikkje vore lett for fastbuande og hyttefolk. Men måndag kunne Grannar slå på tråden til ein av dei fastbuande, Geir Arne Eikemo.
— Ein merkedag, seier han om måndagen då han kunne plukke opp mobilen og ha problemfri dekning. Tidlegare hadde han basert seg på ei provisorisk Reodor Felgen-løysing» for å få dekning heime i stova.
— Det var nokre jalla-greier som verka no og då, ler han. Når ikkje den heimesnikra løysinga verka, måtte han ta bilen ned til kaia på Tysse for å prate med folk, for der var det dekning.
