Eigarane av huset som brann i Indre Tungesvik onsdag kveld er det Kopervik-busette paret Bodil Reinertsen Melkevik og Håkon Melkevik.
— Huset som brann blei i si tid kjøp av min svigerfar, og kona mi arva det etter at han døydde, fortel Håkon Melkevik.
Ingen kom til skade i brannen onsdag kveld, og ingen skal ha vore til stades då brannen starta. Det var vitne på andre sida av fjorden, i Kvinnherad, som oppdaga brannen og varsla naudetatane.
