Køyrde i tunnelvegg

Rundt klokka 09.00 søndag morgon kom ein bil borti tunnelveggen i ein av tunnelane i Åkrafjorden på E134. Hendinga førte til mindre skadar på bilen, men ingen personskade. Sjåføren, ein mann i midten av 20-åra, blei avhøyrt på staden.

— Sjåføren var umerksam då han køyrde i veggen. Han har truleg drive med ting han ikkje skulle mens han køyrde, seier vaktsjef Håkon Tornes ved Haugesund Politistasjon.

Han opplyser at mannen blir meldt for brot på vegtrafikklova paragraf 3 om uaktsemd. Det er ingen trafikale utfordringar på staden.