Søkjer kandidatar til Omsorgs- og inkluderingsprisen 2024
Vindafjord kommune vil dela ut omsorgs- og inkluderingsprisen til ein eller fleire av innbyggjarane i kommunen, og frir no til folket for å få innspel på gode kandidatar.
Vindafjord kommune ynskjer innspel og framlegg på kandidatar som er busette i Vindafjord til omsorgs- og inkluderingsprisen for 2024. På kommunen sine heimesider blir det opplyst at prisen kan tildelast enkeltpersonar, lag, organisasjonar eller i særlege høve bedrifter som gjennom frivillig arbeid har bidrege positivt til å gi medmenneske respekt, eit meiningsfylt og verdig liv. Arbeid og aktivitetar retta mot enkeltpersonar eller grupper, samt innsats for å inkludera utsette grupper og enkeltpersonar, vil bli vektlagde ved tildelinga.
Kulturstipend for ungdom
Annonse
Vindafjord kommune vil også dela ut kulturstipend, og ungdom i alderen 13-25 år busette i, eller med tilknyting til Vindafjord kan sjølve søka om kulturstipendet. Stipendmidlane skal nyttast til å gjennomføra særskilde kulturoppgåver, utdanning, trening eller perfeksjonering innan kulturaktivitetar. Framlegga må sendast skriftleg med grunngjeving innan fristen 1. juni 2024. Vindafjord kommune ved utvalet for oppvekst og omsorg (OPOM) står for tildelinga av både omsorgs- og inkluderingsprisen og kulturstipendet årleg.
Vindafjord kommune har eigne retningslinjer for tildelingar
