Klar for byggestart på Dommersnes

Med klarsignalet for byggeløyve for fase 1i boks er det planlagt anleggsstart i september/oktober. Arbeidet består i planering av eksisterande område på Dommersnes, og er venta å ta rundt halvanna år.

— Det er viktig å visa at me er klar for å ta imot aktørar og me håpar det kan vera interesse for fase ein, seier ordførar Ole Johan Vierdal etter at svaret frå Statsforvaltaren er klart.

Ordføraren stilte opp saman med leiar i Windafjord Port AS for å informera om mellom anna reguleringsplan og konsekvensutgreiing for ei eventuell vidare utbygging av industrifeltet. Folkemøtet i regi av Dommersnes AS/Windafjord Port på bygdehuset i Vikebygd samla ein drygt halvfull sal med interesserte bygdefolk, politikarar og representantar frå Motvind Noreg, og mange av dei frammøtte fekk høve til å lufta sine tankar kring utviklinga av industriområdet.