Stort engasjement for bygda si

Anette Svendsen har vore med på mykje som frivillig i Skjold, aller mest har ho vore med på det som ungane hennar har delteke i. Ho og mannen hennar har tre gutar på 13 år, 17 år og 19 år.

Det frivillige arbeidet begynte med eldstemann som gjekk på barnetrim, som ho også var med på. Etter kvart begynte han på allidrett. Der vart Svendsen leiar, og sat i den rolla i seks år. Ho har vore fotballtrenar for dei to eldste gutane. Sjølv om ho ikkje har spelt fotball, var ho likevel sporty og tok på seg trenarrolla.

— Når barna er små, handlar fotballen mykje om rettferd og pedagogikk, seier den uredde trebarnsmora.