Her er tomta kommunen vil kjøpa frå seljar - men utan klausulen om at tomta berre kan brukast til kulturformål.
Foto: Google Streetview
Kommunen vil kjøpa denne tomta – men ikkje til seljar sine vilkår om bruk
Etne kommune har fått tilbod om å kjøpe delar av arealet på eigedommen der også Saloonen står for ein estimert sum på 2.787.300 kroner. Men vilkåra til kjøpet går ikkje politikarane i Etne med på.
Ein part av tomta som ligg på same grunn som Old River Saloon er til sals, og Etne kommune har fått tilbod frå eigar Aslaug Olden Mala, om å kjøpa tomta for litt i underkant av 2,8 millionar kroner. Seljar ønskjer at området blir nytta til kulturelle formål, og set vilkår om dette ved eit potensielt sal av eigedommen.
Kommunedirektør Filippo Ballarin tilrådde ikkje eit kjøp av arealet, men saka blei tatt opp til behandling i formannskapet den 29. mai. Under behandlinga blei det lagt fram eit forslag frå Etne Senterparti ved Sjur Aakra (Sp), som føreslo at Etne kommune skulle imøtekoma tilbodet om kjøp av arealet. Etne kommune kunne ikkje fullt ut imøtekomma kravet om at arealet berre skulle nyttast til kulturformål, men ønskjer heller å bruka arealet til blanda formål etter gjeldande reguleringsplan. Dette blei eit vilkår frå kommunen ved eit eventuelt kjøp, om det blir kjøp skal dette innarbeidast i investeringsbudsjettet.
Nei til krav
