Rita Skeie frå Sandeid har vore med å arrangert mange løp, og andre arrangement på banen i Vikedal.
— Dei som har ei Rita er heldig!
I ein liten, men aktiv klubb som NMK Vikedal, finn ein mange frivillige som er med på både stort og smått. Ei av dei er Rita Skeie, som denne veka fekk Grannarblomen.
,Rita kjem frå Sandeid og har vore eit dedikert medlem i NMK Vikedal i over 30 år.
– Det byrja med at broren min køyrde mykje, og så dei to sønene mine. Ingen av dei køyrer lengre, men no har me barnebarn som køyrer crosskart, fortel Rita. Dette familieengasjementet har spelt ei stor rolle for hennar engasjement i klubben.
– Sidan så mange av oss er interesserte, er me ofte på dugnad og løp saman. Dersom nokon frå klubben konkurrerer andre stader, pleier me å vera med å heia og støtta dei, fortel ho.
