Ifølgje kommuneoverlegen i Etne, Elisabeth Selland Winterthun, er me nå inne i ei tid der det er lurt å vera bevisst på det vesle krypdyret.
— Det er viktig å vera obs, og gjera den undersøkinga som er nødvendig. Ta ein sjekk etter du har vore på tur eller i hagen, der flåtten likar seg, seier ho og legg til:
— Som oftast skjer det ingenting etter eit bitt, men det er mogleg at ein kan få store og langvarige problem, så det er viktig å ta visse forholdsreglar.
